Новости Казахстана на сегодня

Ақтөбе облысының Мұғалжар ауданы Жарық ауылының маңында өндірістік жұмысты орындау барысында «Самғау АГРО» ЖШС тиесілі дельтаплан ұшу аппараты апатқа ұшырады, деп хабарлайды ҚазАқпарат Азаматтық авиация комитетінің мәліметінше, дельтаплан ұшқышы қаза тапқан.

Бұл оқиға бойынша ҚР Көлік министрлігі авиациялық оқиғаны тергеп-тексеру жөніндегі комиссия құрды. Көліктегі оқиғалар мен оқыс оқиғаларды тергеп-тексеру департаментінің қызметкерлері авиациялық оқиға орнына жіберілді, - дейді комитеттен.

Сондай-ақ кеше, 21 маусымда Қызылорда облысы Жалағаш ауданы Мәдениет ауылының маңында ұшу барысында «Самғау АГРО» ЖШС тиесілі Ан-2 әуе кемесі жерге қатты екпінмен қонған. Бортта екі адамнан тұратын экипаж мүшелері болды. Зардап шеккендер жоқ. Авиациялық оқиғаларды тергеу жөніндегі қағидаға сәйкес бұл оқиға да авиациялық апат ретінде қаралады.